នៅរសៀលថ្ងៃព្រហស្បតិ៍ ៣កើត ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៥ ខែកញ្ញា ឆ្នាំ២០២៤ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំពិនិត្យពិភាក្សាការងារបច្ចេកទេសត្រួតពិនិត្យ និងមោឃភាពឯកសាររដ្ឋបាលកម្ពុជាមិនប្រក្រតី ដែលជនបរទេសកាន់ប្រើប្រាស់។

កិច្ចប្រជុំនេះ ក៏មានការអញ្ជើញចូលរួមពីសំណាក់ ឯកឧត្តម អេង ច័ន្ធតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន លោកអនុប្រធាននាយកដ្ឋាន និងលោកនាយការិយាល័យចំណុះអគ្គនាយកដ្ឋានអត្តសញ្ញាណកម្ម ព្រមទាំងឯកឧត្តម តំណាងអគ្គស្នងការដ្ឋាននគរបាលជាតិ ឯកឧត្តម តំណាងអគ្គនាយកដ្ឋានអន្តោប្រវេសន៍ និងគណៈប្រតិភូអមដំណើរផងដែរ៕