ខេត្តកណ្ដាល៖ នៅព្រឹកថ្ងៃព្រហស្បតិ៍ ២កើត ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៥ ខែកញ្ញា ឆ្នាំ២០២៤ ឯកឧត្តម តាត និមល អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមពិធីប្រកាសចូលកាន់តំណែងអភិបាលរងខេត្តកណ្ដាល នៅសាលប្រជុំសាលាខេត្តកណ្ដាល ក្រោមអធិបតីភាព ឯកឧត្តម អ៊ុំ ម៉ារ៉ា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តី ក្រសួងមហាផ្ទៃ។

ក្នុងពិធីប្រកាសនេះ ក៏មានការអញ្ជើញចូលរួមពីឯកឧត្ដមអនុរដ្ឋលេខាធិការ ប្រធានក្រុមប្រឹក្សា ឯកឧត្ដម អភិបាលខេត្ត សមាជិកក្រុមប្រឹក្សាខេត្ត អគ្គនាយករង ប្រធានតុលាការនិងព្រះរាជអាជ្ញាអមសាលាដំបូងខេត្ត ឯកឧត្ដម អភិបាលរងខេត្ត លោកប្រធាន និងអនុប្រធានអង្គភាពពាក់ព័ន្ធ ព្រមទាំងសមាជិកសមាជិកានានា សរុបប្រហែល២៥០នាក់។