រាជធានីភ្នំពេញ៖ នៅព្រឹកថ្ងៃចន្ទ ១៤កើត ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៦ ខែកញ្ញា ឆ្នាំ២០២៤ ឯកឧត្តម សុខ ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម និងប្រធានក្រុមការងារស្នូលសម្រាប់គាំទ្រដល់កម្មវិធីកែលម្អប្រព័ន្ធចុះបញ្ជីអត្រានុកូលដ្ឋាន និងស្ថិតិអត្រានុកូលដ្ឋាន បានដឹកនាំកិច្ចប្រជុំក្រុមការងារស្នូលសម្រាប់គាំទ្រដល់កម្មវិធីកែលម្អប្រព័ន្ធចុះបញ្ជីអត្រានុកូលដ្ឋាន និងស្ថិតិអត្រានុកូលដ្ឋានដើម្បីពិនិត្យលើរបាយការណ៍វាយតម្លៃ ការវិភាគ និងការរចនាឡើងវិញ (AAR Report) ដែលប្រព្រឹត្តទៅនៅសណ្ឋាគារភ្នំពេញ។

ក្នុងកិច្ចប្រជុំនេះក៏មានការអញ្ចើញចូលរួមពីសំណាក់ លោកស្រី Stephanie Tan ទីប្រឹក្សាបច្ចេកទេសអង្គការ Vital Strategies ឯកឧត្តម ហ៊ុន ហួង អគ្គនាយករង នៃអគ្គនាយកដ្ឋានបច្ចេកទេស ក្រសួងសុខាភិបាល និងតំណាងអង្គការ Vital Strategies ប្រចាំកម្ពុជា ព្រមទាំងលោក លោកស្រី អនុប្រធាននាយកដ្ឋាន លោកនាយ/ប្រធានការិយាល័យ ព្រមទាំងមន្រ្តីជំនាញដែលពាក់ព័ន្ធចំណុះអគ្គនាយកដ្ឋានអត្តសញ្ញាណកម្ម៕