សាលារាជធានីភ្នំពេញ៖នៅព្រឹកថ្ងៃព្រហស្បតិ៍ ២រោច ខែភទ្របទឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែកញ្ញា ឆ្នាំ២០២៤ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង តំណាងឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួម និងធ្វើបទអន្តរាគមន៍ស្តីពីការងារអត្តសញ្ញាណកម្ម និងអត្រានុកូលដ្ឋានវេទិកាពិគ្រោះយោបល់ ស្តីពីបញ្ហាប្រឈម និងសំណូមពរ នៅភូមិភាគទី១ រាជធានីភ្នំពេញ ក្រោមអធិបតីភាពឯកឧត្តម ប្រាក់ សុខុន ប្រធានស្តីទីព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១ ដោយមានការអញ្ជើញចូលរួមពីសមាជិកព្រឹទ្ធសភាភូមិភាគ១ សមាជិករដ្ឋសភា តំណាងក្រសួងស្ថាប័នពាក់ព័ន្ធ អភិបាល នៃគណៈអភិបាលរាជធានី ប្រធានក្រុមប្រឹក្សារាជធានី អភិបាលខណ្ឌ អធិការនគរបាលខណ្ឌ នាយប៉ុស្តិ៍នគរបាលរដ្ឋបាល ចៅសង្កាត់ និងមន្ត្រីពាក់ព័ន្ធប្រមាណជាង ៣០០នាក់។