ព្រះរាជាណាចក្រថៃ៖ នៅថ្ងៃសុក្រ ៣រោច ខែភទ្របទ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៩ ខែកញ្ញា ឆ្នាំ២០២៤ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំគណៈប្រតិភូនៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ អញ្ជើញបន្ដដំណេីរទស្សនកិច្ចសិក្សាទៅកាន់នាយកដ្ឋានស៊េីបអង្កេតពិសេស​ (DSI) ក្រសួងយុត្តិធម៌ នៃព្រះរាជាណាចក្រថៃ និងការិយាល័យគ្រប់គ្រងទិន្នន័យអត្តសញ្ញាណកម្ម​ (BORA) នាយកដ្ឋានរដ្ឋបាលខេត្ត​ (DORA) ក្រសួងមហាផ្ទៃ នៃព្រះរាជាណាចក្រថៃ។

ជាមួយគ្នានេះ​ គណៈប្រតិភូនៃអគ្គនាយកដ្ឋានអត្តសញ្ញាណកម្ម ក៏បានបន្តដំណេីរទៅសិក្សាការផ្តល់សេវាអត្តសញ្ញាណកម្ម នៅរដ្ឋបាលស្រុក Lamlukka​ រដ្ឋបាលខេត្ត​ Phatum Thani នៃព្រះរាជាណាចក្រថៃ៕