នៅព្រឹកថ្ងៃចន្ទ ៥កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៧ ខែតុលា ឆ្នាំ២០២៤ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអនុញ្ញាតឱ្យ លោកស្រី Sam Klitscher លេខាទី០១ នៃស្ថានទូតអូស្រ្តាលី ប្រចាំនៅព្រះរាជាណាចក្រកម្ពុជា ទទួលបន្ទុកកិច្ចការក្រសួងមហាផ្ទៃអូស្រ្តាលី និងសហការី ចូលជួបពិភាក្សាការងារអំពីដំណើរទស្សនកិច្ចការងារនៅទីក្រុងកង់បេរ៉ា ប្រទេសអូស្រ្តាលី។

កិច្ចពិភាក្សានេះ ក៏មានការអញ្ជើញចូលរួម លោក លោកស្រីអនុប្រធាននាយកដ្ឋាន ចំណុះអគ្គនាយកដ្ឋានអត្តសញ្ញាណកម្មផងដែរ៕