ទីស្ដីការក្រសួងមហាផ្ទៃ៖ នៅព្រឹកថ្ងៃអង្គារ ៥រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២២ ខែតុលា ឆ្នាំ២០២៤ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីប្រកាសសេចក្ដីសម្រេចកែសម្រួលមាសភាពក្រុមការងារ និងស្ដាប់របាយការណ៍ ស្ដីពីវឌ្ឍនភាពការងារ និងលទ្ធផលការងាររបស់ក្រុមការងារត្រួតពិនិត្យឡើងវិញ (RPG) ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម សន្តិបណ្ឌិត រដ្ឋលេខាធិការ ឯកឧត្តម រដ្ឋលេខាធិការ អនុរដ្ឋលេខាធិការ ឯកឧត្តម នាយឧត្តមសេនីយ៍ អគ្គស្នងការនគរបាលជាតិ ព្រមទាំងឯកឧត្តម អគ្គនាយក អគ្គស្នងការរង អគ្គនាយករង ចំណុះក្រសួងមហាផ្ទៃ និងអស់លោក លោកស្រីចំណុះនាយកដ្ឋាន អង្គភាពដែលព័ន្ធជាច្រើនរូបទៀត៕