នៅក្នុងព្រឹត្តិការនេះ គណៈប្រតិភូបានអញ្ជើញចូលទស្សនាស្តង់ពីពិព័រណ៍ ការចូលរួមសន្និសីទ និងស្វែងយល់បច្ចេកវិទ្យាទំនើបៗពាក់ព័ន្ធការងារគ្រប់គ្រងអត្តសញ្ញាណកម្ម។ កម្មវិធីខាងលើគឺជាព្រឹត្តិការដ៏ធំប្រចាំអាស៊ីនៅឆ្នាំ២០២៤ ដែលបានប្រមូលផ្តុំ ក្រុមហ៊ុនបច្ចេកវិទ្យា និងអ្នកជំនាញល្បីៗ ផ្នែកនវានុវត្តន៍ និងទំនើបកម្មវិស័យអត្តសញ្ញាណកម្មទូទាំងពិភពលោក មកដាក់បង្ហាញផលិតផល ចែករំលែកបទពិសោធ និងលទ្ធផលនៃការស្រាវជ្រាវផ្សេងៗ។ គណៈប្រតិភូបានចាប់អារម្មណ៍បច្ចេកវិទ្យាជាច្រើន តែជាការកត់សម្គាល់ពិសេស និងថ្មីគឺបច្ចេកវិទ្យាស្កេនខ្ចៅដៃដោយមិនប៉ះផ្ទាល់ (Remote Fingerprints Scanner) និងឧបករណ៍ស្រង់ទិន្នន័យពហុជីវមាត្រ ដែលជាឧបករណ៍ថ្មីមួយអាចស្រង់យកគ្រប់ទិន្នន័យជីវមាត្រដូចជា ខ្ចៅដៃ រូបថតផ្ទៃមុខ ប្រស្រីភ្នែក ស្កេនឯកសារ អានទិន្នន័យក្នុងឈីបទៀតផង (Bio all-in-one)។

ព្រឹត្តិការណ៍ខាងលើបានផ្តល់ចំណេះដឹងនិងបទពិសោធថ្មីៗដ៏មានសារៈសំខាន់សម្រាប់ការពិចារណា និងការធ្វើទំនើបកម្មវិស័យអត្តសញ្ញាណកម្មនៅកម្ពុជានាពេលអនាគត៕