សណ្ឋាគារសាន់អេនម៉ូន រីវើសាយ៖ នៅថ្ងៃពុធ ១៣កើត ខែកត្តិក ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៤ លោកជំទាវ ឧត្តមសេនីយ៍ឯក លឹម ស្មើ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំបច្ចេកទេស ដើម្បីសិក្សា និងរៀបចំអនុស្សារណៈយោគយល់គ្នា ស្តីពីការពង្រឹងកិច្ចសហប្រតិបត្តិការកិច្ចការពារកុមារ ដែលរងផលប៉ះពាល់ ដោយទេសន្តរប្រវេសន៍ រវាងប្រទេសថៃ និងប្រទេសកម្ពុជា ក្រោមអធិបតីភាព លោកជំទាវ ញ៉េប សុភាព រដ្ឋលេខាធិការ តំណាងឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា។

កិច្ចប្រជុំនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ តំណាងក្រសួង ស្ថាប័នពាក់ព័ន្ធ និងអស់លោក លោកស្រី តំណាងអង្គការដៃគូពាក់ព័ន្ធ សរុបចំនួន៤៣នាក់ ស្រី១៥នាក់។

កិច្ចប្រជុំនេះមានគោលបំណង ដើម្បីពិនិត្យលើរបាយការណ៍សិក្សាស្រាវជ្រាវស្តីពីការវិភាគស្ថានភាពកុមាររងផលប៉ះពាល់ដោយទេសន្តរប្រវេសន៍ និងពិភាក្សាអំពីរៀបចំសេចក្តីព្រាងអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការកិច្ចការពារកុមារដែលរងផលប៉ះពាល់ដោយទេសន្តរប្រវេសន៍ រវាងប្រទេសកម្ពុជា និងថៃ៕