ទីស្ដីការក្រសួងសេដ្ឋកិច្ច និងហិរញ្ញវត្ថុ៖ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អញ្ជើញចូលរួមក្នុងកិច្ចប្រជុំលើកទី២ របស់ក្រុមការងារអន្ដរក្រសួងរៀបចំសេវាអេឡិចត្រូនិកសម្រាប់ធុរកិច្ច ក្រោមអធិបតីភាពឯកឧត្តម បណ្ឌិត គង់ ម៉ារី រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារអន្ដរក្រសួងរៀបចំសេវាអេឡិចត្រូនិកសម្រាប់ធុរកិច្ច នៅសាលប្រជុំអគារ “ឃ” ទីស្ដីការក្រសួងសេដ្ឋកិច្ច និងហិរញ្ញវត្ថុ។

ក្រោយពីស្តាប់បទបង្ហាញអំពីការរៀបចំ និងពិនិត្យសេចក្តីព្រាងយុទ្ធសាស្ត្រស្តីពីការរៀបចំសេវាអេឡិកត្រូនិកសម្រាប់ធុរកិច្ច២០២៥-២០២៨ បន្ទាប់មកលេខាធិការដ្ឋានក្រុមការងារ បានស្នើអង្គប្រជុំនិងក្រសួងស្ថាប័នពាក់ព័ន្ធដើម្បីផ្តល់ធាតុចូលឱ្យបានមុនថ្ងៃទី៣ ខែធ្នូ ឆ្នាំ២០២៤ខាងមុខនេះ។

ក្នុងកិច្ចប្រជុំនេះ ក៏មានការអញ្ជើញចូលរួមពីសំណាក់ឯកឧត្តម ប៉ាវ ហម ផាន រដ្ឋលេខាធិការក្រសួងមហាផ្ទៃ និងជាអនុប្រធានក្រុមការងារ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក និងលោក លោកស្រី ជា អនុប្រធាន សមាជិក សមាជិកា និងតំណាងក្រសួងស្ថាប័នពាក់ព័ន្ធជាច្រើនរូបផងដែរ៕