ទីស្ដីការក្រសួងមហាផ្ទៃ៖ នៅថ្ងៃពុធ ៤កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៤ ខែធ្នូ ឆ្នាំ២០២៤ ឯកឧត្ដម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមស្ដាប់បឋកថា «ការពិនិត្យឡើងវិញ និងការវិភាគមុខងារនិងរចនាសម្ព័ន្ធក្រសួងមហាផ្ទៃ» ក្រោមអធិបតីភាព ឯកឧត្ដម សន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ។

កិច្ចប្រជុំស្ដាប់បឋកថានេះ ក៏មានការអញ្ជើញចូលរួមពីសំណាក់ លោកជំទាវ ឈី វិជ្ជរ៉ា រដ្ឋលេខាធិការ នៃក្រសួងមុខងារសាធារណៈ និងជាប្រធានក្រុមការងារបច្ចេកទេសលើកកម្ពស់ប្រសិទ្ធភាពការងារ ព្រមទាំងសហការី និងឯកឧត្ដម សន្តិបណ្ឌិត រដ្ឋលេខាធិការ អនុរដ្ឋលេខាធិការ ឯកឧត្ដម អគ្គនាយក ឯកឧត្ដម លោកជំទាវ អគ្គស្នងការរង អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន លោកនាយ/នាយរងការិយាល័យ ព្រមទាំងអស់លោក លោកស្រីដែលពាក់ព័ន្ធចំណុះក្រសួងមហាផ្ទៃផងដែរ៕