ទីស្ដីការក្រសួងមហាផ្ទៃ៖ នៅរសៀលថ្ងៃចន្ទ ៩កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៩ ខែធ្នូ ឆ្នាំ២០២៤ ឯកឧត្ដម ឧត្ដមសេនីយ៍ឯក អ៊ុកចាយ​ បញ្ញារ៉ា​ អគ្គនាយករង តំណាង ឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំផ្សព្វផ្សាយក្របខ័ណ្ឌតាមដាន​ ត្រួតពិនិត្យ​ និងវាយតម្លៃ​ នៃការអនុវត្តផែនការយុទ្ធសាស្រ្តស្ដីពីការលេីកកម្ពស់ការគ្រប់គ្រងរដ្ឋបាលដែនដី​ សន្ដិសុខជាតិ​ សណ្ដាប់ធ្នាប់សាធារណៈ​ និងសុវត្ថិភាពសង្គម​ (២០២៤-២០២៨)​ និងទម្រង់របាយការណ៍ស្ដីពីលទ្ធផលការងារប្រចាំខែ​ ប្រចាំត្រីមាស​ ប្រចាំឆមាស​ ប្រចាំនព្វមាស​ និងប្រចាំឆ្នាំរបស់ក្រសួងមហាផ្ទៃ ក្រោមអធិបតីភាព ឯកឧត្ដម ចាន់​ សុធា រដ្ឋលេខាធិការ ក្រសួងមហាផ្ទៃ។

កិច្ចប្រជុំនេះ ក៏មានការអញ្ជើញចូលរួមពី ឯកឧត្ដម អនុរដ្ឋលេខាធិការ ឯកឧត្ដម​ លោកជំទាវ អគ្គនាយក អគ្គស្នងការរង អគ្គនាយករង ចំណុះអគ្គនាយកដ្ឋាននានា​ នៃក្រសួងមហាផ្ទៃ លោកប្រធាន/អនុប្រធាននាយកដ្ឋាន និងអស់លោក​ លោកស្រីដែលពាក់ព័ន្ធជាច្រើនរូបទៀត៕