ទីស្ដីការក្រសួងមហាផ្ទៃ៖ នៅថ្ងៃអង្គារ ១០កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១០ ខែធ្នូ ឆ្នាំ២០២៤ លោកជំទាវ ឧត្ដមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារអញ្ជើញចូលរួមក្នុងពិធីទិវាយុទ្ធនាការ ១៦ថ្ងៃ បញ្ឈប់អំពើហិង្សាលើស្រ្តី និងក្មេងស្រី ក្រោមអធិបតីភាពដ៏ខ្ពង់ខ្ពស់ លោកជំទាវ កែ សួនសុភី ស សុខា ប្រធានកិត្តិយស ក្រុមការងារយេនឌ័ររបស់ ក្រសួងមហាផ្ទៃ។

ក្នុងពិធីនេះ ក៏មានការអញ្ជើញចូលរួមពីសំណាក់ ឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្ដម លោកជំទាវ អគ្គស្នងការរង អគ្គនាយករង ចំណុះអគ្គនាយកដ្ឋាននានា នៃក្រសួងមហាផ្ទៃ ព្រមទាំងលោក លោកស្រីប្រធាន/អនុប្រធាននាយកដ្ឋាន និងលោក លោកស្រីដែលជាសមាជិក សមាជិកាក្រុមការងារយេនឌ័រចំណុះនាយកដ្ឋានពាក់ព័ន្ធជាច្រើនរូបទៀត៕