រាជធានីភ្នំពេញ៖ នៅព្រឹកថ្ងៃព្រហស្បតិ៍ ១២កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១២ ខែធ្នូ ឆ្នាំ២០២៤ ឯកឧត្តម លោកជំទាវជាថ្នាក់ដឹកនាំ នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីទិវាជាតិប្រឆាំងការជួញដូរមនុស្ស ១២ធ្នូ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់បំផុត សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។

ក្នុងពិធីនេះបានប្រព្រឹត្តទៅនៅមជ្ឈមណ្ឌលសន្ដិបាត និងពិព័រណ៍កោះពេជ្រ។ ដោយមានការអញ្ជើញចូលរួមពីសំណាក់ពី ឯកឧត្តម ឧបនាយករដ្ឋមន្រ្តី ទេសរដ្ឋមន្រ្តី រដ្ឋមន្រ្តី ឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្ដម លោកជំទាវ អគ្គនាយក អគ្គស្នងការរង អគ្គនាយករង ចំណុះអគ្គនាយកដ្ឋាននានា នៃក្រសួង ស្ថាប័នពាក់ព័ន្ធ ព្រមទាំងលោក លោកស្រីដែលជាសមាជិក សមាជិកាចំណុះនាយកដ្ឋានពាក់ព័ន្ធ ភ្ញៀវជាតិ និងអន្តជាតិជាច្រើនរូបទៀត៕