រាជធានីភ្នំពេញ៖ នៅថ្ងៃពុធ ១០រោច ខែមិគសិរ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៥ ខែធ្នូ ឆ្នាំ២០២៤ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងសិក្ខាសាលាដើម្បីផ្សព្វផ្សាយ និងលើកកម្ពស់ការអនុវត្តយុទ្ទសាស្រ្តឆ្លើយតបការកេងប្រវ័ញ្ចផ្លូវភេទកុមារតាមប្រព័ន្ធអនឡាញ និងកិច្ចគាំពារជនរងគ្រោះ ក្រោមអធិបតីភាព លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស។

សិក្ខាសាលានេះ បានប្រព្រឹត្តទៅរយៈពេល០១ថ្ងៃ នៅសណ្ឋាគារ Sun&Moon Riverside រាជធានីភ្នំពេញ។ ដោយមានគោលបំណងផ្សព្វផ្សាយ និងលើកកម្ពស់ការអនុវត្តយុទ្ធសាស្រ្តទាក់ទងនឹងការបង្ការទប់ស្ដាត់ការ កេងប្រវ័ញ្ចផ្លូវភេទកុមារតាមប្រព័ន្ធអនឡាញ និងកិច្ចការពារជនរងគ្រោះ ដោយផ្តោតលើការពិនិត្យមើលឡើងវិញនូវគោលនយោបាយ គោលការណ៍ណែនាំ និងគំនិតផ្តួចផ្ដើមនានា ដើម្បីកំណត់រកភាពខ្លាំង ឧត្តម្មានុវត្ភន៍ កត្តាប្រឈម និងចំណុចត្រូវធ្វើអោយប្រសើលឡើង។

ពិធីនេះក៏មានការអញ្ជើញចូលរួមពីសំណាក់ ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការមកពីក្រសួងស្ថាប័នពាក់ព័ន្ធជាសមាជិក គ.ជ.ប.ជ ឯកឧត្តម លោកជំទាវ អគ្គលេខាធិការរង គ.ជ.ប.ជ អង្គការជាតិ អន្តរជាតិជាដៃគូផងដែល៕