ភោជនីយដ្ឋានទន្លេបាសាក់២៖ នៅរសៀលថ្ងៃព្រហស្បតិ៍ ១១រោច ខែមិគសិរ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៦ ខែធ្នូ ឆ្នាំ២០២៤ អគ្គនាយកដ្ឋានអត្តសញ្ញាណកម្ម បានរៀបចំពិធីពិសាអាហារសាមគ្គីមហាគ្រួសារអគ្គនាយកដ្ឋានអត្តសញ្ញាណកម្ម ដើម្បីអបអរពិធីបុណ្យចូលឆ្នាំថ្មី ឆ្នាំសកល គ្រិស្តសករាជ ២០២៥ ដែលឈានចូលមកដល់នាពេលខាងមុខនេះ។

ក្នុងពិធីដ៏សប្បាយរីករាយនេះ ក៏មានការចាប់រង្វាន់លើកទឹកចិត្តដែលធ្វើឱ្យកម្មវិធីកាន់តែមានភាពសប្បាយរីករាយទាំងថ្នាក់ដឹកនាំ និងមន្ត្រីចំណុះអគ្គនាយកដ្ឋានអត្តសញ្ញាណកម្មទាំងអស់។

កម្មពិធីនេះ មានការអញ្ជើញចូលរួមពី ឯកឧត្តម បណ្ឌិត អគ្គនាយក និងលោកជំទាវ ឯកឧត្តម លោកជំទាវ អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន និងមន្រ្តីតាមបណ្តានាយកដ្ឋានចំណុះអគ្គនាយកដ្ឋានអត្តសញ្ញាណកម្មទាំងអស់៕