ទីស្ដីការក្រសួងមហាផ្ទៃ៖ នៅថ្ងៃព្រហស្បតិ៍ ៤កើត ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២ ខែមករា ឆ្នាំ២០២៥ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំ ស្ដីពីការពិភាក្សាលើសេចក្ដីព្រាងសូចនាករ និងផែនការសកម្មភាព ០៣ឆ្នាំរំកិល ២០២៥-២០២៧ នៃក្របខ័ណ្ឌតាមដាន និងវាយតម្លៃសេដ្ឋកិច្ច និងធុរកិច្ចឌីជីថល ដំណាក់កាលទី២ ជាមួយក្រុមការងារបច្ចេកទេស នៃអគ្គលេខាធិការដ្ឋាន គណៈកម្មាធិការសេដ្ឋកិច្ច និងធុរកិច្ចឌីជីថល នៅបន្ទប់ប្រជុំ “១០៦ SOC” ទីស្តីការក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ អគ្គនាយករង លោកអនុប្រធាននាយកដ្ឋាន និងក្រុមការងារបច្ចេកទេស នៃអគ្គលេខាធិការដ្ឋាន គណៈកម្មាធិការសេដ្ឋកិច្ច និងធុរកិច្ចឌីជីថល ព្រមទាំងលោក លោកស្រី ជាមន្រ្តីជំនាញដែលពាក់ព័ន្ធច្រើនរូបទៀត៕