នៅព្រឹកថ្ងៃពុធ ១០កើត ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៨ ខែមករា ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំឆ្លងសេចក្ដីព្រាងប្រកាស ស្ដីពីទម្រង់នៃឯកសារ បែបបទ និងនីតិវិធី នៃការចុះបញ្ជីស្នាក់នៅ និងការចេញឯកសារសម្គាល់ការស្នាក់នៅ ការកែតម្រូវ ការលុបបញ្ជី ការមោឃភាព និងការដកហូតឯកសារសម្គាល់ការស្នាក់នៅ ការរក្សាទុកបញ្ជីស្នាក់នៅព្រមទាំងការប្ដឹងមិនសុខចិត្ត។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន និងលោកនាយការិយាល័យចំណុះនាយកដ្ឋានពាក់ព័ន្ធ នៃអគ្គនាយកដ្ឋានអត្តសញ្ញាណកម្មផងដែរ៕