ទីស្ដីការក្រសួងមហាផ្ទៃ៖ នៅរសៀលថ្ងៃអង្គារ ១រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៤ ខែមករា ឆ្នាំ២០២៥ ឯកឧត្តម ផុន លីវិរៈ អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំស្ដាប់បទបង្ហាញស្ដីពីប្រព័ន្ធគ្រប់គ្រងទិន្ន័យមន្រ្តីរាជការ កម្មវិធីគ្រប់គ្រងវត្តមាន និងសុំច្បាប់មន្រ្តីនគរបាលជាតិ តាមប្រព័ន្ធបច្ចេកវិទ្យាឌីជីថល ក្រោមអធិបតីភាពដ៏ខ្ពង់ខ្ពស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។

ក្នុងកិច្ចប្រជុំស្ដាប់បទបង្ហាញនេះ ក៏មានការអញ្ជើញចូលរួមពី ឯកឧត្ដម រដ្ឋលេខាធិការ ប្រចាំការ ឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្ដម លោកជំទាវ អគ្គនាយក អគ្គនាយករង អគ្គស្នងការរង តំណាងអគ្គនាយកដ្ឋាននានា លោក លោកស្រី ប្រធាន អនុប្រធាននាយកដ្ឋាន និងលោក លោកស្រីដែលពាក់ព័ន្ធជាច្រើនរូបទៀត៕