ខេត្តសៀមរាប៖ នាថ្ងៃពុធ ១កើត ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៩ ខែមករា ឆ្នាំ២០២៥ លោកជំទាវ ឧត្ដមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំទ្វេភាគីកម្ពុជា-ថៃ ស្ដីពីការរៀបចំផែនការសកម្មភាពសម្រាប់ការអនុវត្តអនុស្សរណៈនៃការយោគយល់គ្នាលើកិច្ចសហប្រតិបត្តិការទ្វេភាគី ដើម្បីលុបបំបាត់ការជួញដូរមនុស្ស និងការជួយជនរងគ្រោះដោយសារការជួញដូរ ជំហានទី២ ឆ្នាំ២០២៥-២០២៨ ដឹកនាំដោយ ឯកឧត្ដម ហ៊ូ វុឌ្ឍី រដ្ឋលេខាធិការ ក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានគណៈប្រតិភូភាគីកម្ពុជា និងភាគីថៃ ដឹកនាំដោយ លោកជំទាវ ចៈតុផន រ៉ូជនផានិត អនុរដ្ឋមន្រ្តី ក្រសួងអភិវឌ្ឍន៍សង្គម និងសន្តិសុខមនុស្ស និងជាប្រធានគណៈប្រតិភូភាគីថៃ។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្ដម លោកជំទាវ អគ្គនាយក អគ្គស្នងការរង អគ្គនាយករង ចំណុះអគ្គនាយកដ្ឋាននានា នៃក្រសួង ស្ថាប័នពាក់ព័ន្ធ ព្រមទាំងលោក លោកស្រីដែលជាសមាជិក សមាជិកាចំណុះនាយកដ្ឋានពាក់ព័ន្ធ ភ្ញៀវជាតិ និងអន្តជាតិជាច្រើនរូបទៀត៕