ខេត្តពោធិ៍សាត់៖ នៅថ្ងៃអង្គារ ៧កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៤ ខែកុម្ភៈ ឆ្នាំ២០២៥ ឯកឧត្ដម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម ដឹកនាំក្រុមការងារចុះជួបពិភាក្សាជាមួយមន្ត្រីជំនាញចំណុះរដ្ឋបាល ខេត្តពោធិ៍សាត់ ដើម្បីធ្វើការស្រាវជ្រាវភាពមិនប្រក្រតីលើបុគ្គលពីររូបពាក់ព័ន្ធការងារអត្តសញ្ញាណ។

ដោយមានការអញ្ជើញចូលរួមពី ឯកឧត្តមអភិបាលរង នៃគណៈអភិបាលខេត្ត ក្រុមការងារអគ្គនាយកដ្ឋានអត្តសញ្ញាណកម្ម ស្នងការដ្ឋាននគរបាលខេត្ត នាយក នាយករងរដ្ឋបាលសាលាខេត្ត នាយកស្តីទី នៃទីចាត់ការរដ្ឋបាលសាលាខេត្ត ប្រធានការិយាល័យស្ថិតិ និងអត្រានុកូលដ្ឋានខេត្ត លោក លោកស្រីនាយការិយាល័យអត្តសញ្ញាណប័ណ្ណសញ្ជាតិខ្មែរ និងការិយាល័យគ្រប់គ្រងការស្នាក់នៅ នៃស្នងការដ្ឋាននគរបាលខេត្ត ព្រមទាំងអស់លោក លោកស្រីជាមន្ត្រីជំនាញដែលពាក់ព័ន្ធផងដែរ៕