ទីស្ដីការក្រសួងមហាផ្ទៃ៖ នៅព្រឹកថ្ងៃព្រហស្បតិ៍ ៩កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៦ ខែកុម្ភៈ ឆ្នាំ២០២៥ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង ឯកឧត្តម ឧត្តមសេនីយ៍ឯក ប្រុក ម៉ៃឧត្ដម អគ្គនាយករង និងឯកឧត្តម គឹម វឌ្ឍនសោភ័ណ អគ្គនាយករង និងជាប្រធាននាយកដ្ឋានសញ្ជាតិ នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំស្ដាប់របាយការណ៍ ស្ដីពី លទ្ធផលការងាររបស់ក្រុមការងារត្រួតពិនិត្យឡើងវិញ (RPG) ប្រចាំឆ្នាំ២០២៤ ក្រោមអធិបតីភាព ឯកឧត្ដម នាយឧត្ដមសេនីយ៍ ប៉ោ ភក្តិ រដ្ឋលេខាធិការក្រសួងមហាផ្ទៃ។

ក្នុងកិច្ចប្រជុំស្ដាប់របាយការណ៍នេះ ក៏មានការអញ្ជើញចូលរួមពី ឯកឧត្តម អនុរដ្ឋលេខាធិការ ឯកឧត្តម អគ្គនាយក អគ្គស្នងការរង អគ្គនាយករង លោក លោកស្រីប្រធាន អនុប្រធាននាយកដ្ឋាន ចំណុះអគ្គនាយកដ្ឋាននានា នៃក្រសួងមហាផ្ទៃ និងលោក លោកស្រីដែលពាក់ព័ន្ធជាច្រើនរូបទៀត៕