ខេត្តស្ទឹងត្រែង៖ ថ្ងៃចន្ទ ៥រោច ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៧ ខែកុម្ភៈ ឆ្នាំ២០២៥ ឯកឧត្តម ថោង ស្រាន់ អភិបាលរង នៃគណៈអភិបាលខេត្តស្ទឹងត្រែង និងលោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពបើកវគ្គបណ្តុះបណ្តាលការអនុវត្តការងារអត្រានុកូលដ្ឋានស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម។

ពិធិបើកវគ្គបណ្តុះបណ្តាលនេះ ក៏មានការអញ្ជើញចូលរួមពី តំណាងសាលាដំបូងខេត្ត តំណាងមន្ទីរអប់រំ យុវជននិងកីឡា តំណាងមន្ទីរសុខាភិបាល លោកនាយករងរដ្ឋបាលសាលាខេត្ត នាយករងទីចាត់ការ ទទួលបន្ទុកការងារអត្រានុកូលដ្ឋាន ប្រធានការិយាល័យ មន្រ្តីទទួលការងារអត្រានុកូលដ្ឋានក្រុង/ស្រុក មេឃុំចៅសង្កាត់ ស្មៀនឃុំ/សង្កាត់ និងមន្រ្តីរាជការពាក់ព័ន្ធ សរុបចំនួន២២០នាក់ ស្រី៦៧នាក់៕