នៅព្រឹកថ្ងៃពុធ ៧រោច ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៩ ខែកុម្ភៈ ឆ្នាំ២០២៥ ឯកឧត្តម ឧត្តមសេនីយ៍ទោ ហេង ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំ ស្តីពី ការតម្លើងមជ្ឈមណ្ឌលគ្រប់គ្រងទិន្នន័យ និងពិនិត្យលើគម្រោង នៃការដាក់ឱ្យប្រើប្រាស់ម៉ាស៊ីនស្វ័យប្រវត្តិ សម្រាប់គោលដៅ នៃការស្នើសុំសេវាអត្តសញ្ញាណកម្ម។

ក្នុងកិច្ចប្រជុំនេះ ក៏មានការអញ្ជើញចូលរួមពី លោកឧត្តមសេនីយ៍ទោ ឈុន វណ្ណា ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា និងមន្រ្តីជំនាញបច្ចេកទេស នៃនាយកដ្ឋានគ្រប់គ្រងប្រព័ន្ធព័ត៌មានវិទ្យាផងដែរ៕