រាជធានីភ្នំពេញ៖ នាព្រឹកថ្ងៃសុក្រ ៩រោច ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២១ ខែកុម្ភៈ ឆ្នាំ២០២៥ លោកជំទាវ ថាំ វ៉ាន់នីកា តុប នេត សមាជិកាកិត្តិយស នៃគណៈកម្មការសាខាសមាគមនារី ក្រសួងមហាផ្ទៃ និងលោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាសមាជិកា នៃគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ក្រសួងមហាផ្ទៃ បានអញ្ជេីញចូលរួមក្នុងកិច្ចប្រជុំស្តីពី ការពង្រឹងរចនាសម្ព័ន្ធ និងរបៀបរបបការងារ គណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ក្រសួងមហាផ្ទៃ ក្រោមអធិបតីភាព លោកជំទាវ កែ សួនសុភី ប្រធានកិត្តិយស នៃគណៈកម្មការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ ក្រសួងមហាផ្ទៃ។

នៅក្នុងកិច្ចប្រជុំនេះ ក៏មានការអញ្ជេីញចូលរួមពី លោកជំទាវ អនុប្រធាន ថ្នាក់កិត្តិយស លោកជំទាវ អនុប្រធានអចិន្ត្រៃយ៍ ថ្នាក់ប្រតិបត្តិ លោកជំទាវ អនុប្រធាន ថ្នាក់ប្រតិបត្តិ និងលោកជំទាវ លោក លោកស្រី សមាជិក សមាជិកា ថ្នាក់កិត្តិយស និងថ្នាក់ប្រតិបត្តិ សរុបចំនួន ៧០រូប។

គោលបំណងនៃកិច្ចប្រជុំរួមមាន៖

- ការរំឭកពីសាវតារបស់ សមាគមនារីកម្ពុជាដើម្បីសន្តិភាព និងអភិវឌ្ឍន៍

- ការបញ្ជ្រាបការយល់ដឹង តួនាទី និងភារកិច្ច នៃគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ក្រសួងមហាផ្ទៃ

- ការប្រកាសសមាសភាព បំពេញបន្ថែម និងប្រកាសសមាសភាព នៃលេខាធិការដ្ឋាន គណៈកម្មការសាខាសមាគនារីកម្ពុជាដើម្បីសន្តិភាព និងអភិវឌ្ឍន៍ ក្រសួងមហាផ្ទៃ

- ការពិភាក្សាអំពីការបង្កើតអនុគណៈកម្មការសាខា សមាគម ការពង្រឹងរចនាសម្ព័ន្ធនៃ គណៈកម្មការសាខាសមាគមនារីកម្ពុជា ដើម្បីសន្តិភាព និងភិវឌ្ឍន៍ ក្រសួងមហាផ្ទៃ និងការរៀបចំបង្កើតមូលនិធិដើម្បីទ្រទ្រង់សកម្មភាពរបស់សាខាសមាគម៕