អនុវត្តតាមចំណារដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង នៅព្រឹកថ្ងៃទី២ ខែមីនា ឆ្នាំ២០២៥ វេលាម៉ោង ៨:០០ព្រឹក នាបរិវេណវត្តឧត្តមរតនៈមង្គលគង់សរ៍ (ហៅវត្តអន្លង់សរ៍) ស្ថិតនៅឃុំរំលេច ស្រុកស៊ីធរកណ្ដាល ឯកឧត្តម បណ្ឌិត តុប នេត ប្រធានក្រុមការងាររាជរដ្ឋាភិបាលចុះមូលដ្ឋានស្រុកស៊ីធរកណ្តាល តំណាងដ៏ខ្ពង់ខ្ពស់ ឯកឧត្តមសន្តិបណ្ឌិត ស សុខា បានអញ្ជើញជាអធិបតីក្នុងពិធីសម្ពោធដាក់ឆ្លងសមិទ្ធផលនានាក្នុងវត្តអន្លងសរ៍។

សមាសភាពអញ្ជើញចូលរួមនាឱកាសនោះរួមមាន ឯកឧត្តម លោកជំទាវ លោក លោកស្រី នៃក្រុមការងារថ្នាក់ជាតិចុះមូលដ្ឋានស្រុក ក្រុមប្រឹក្សាស្រុក គណៈអភិបាលស្រុក ការិយាល័យជំនាញជុំវិញស្រុក គណៈកម្មាធិការគណបក្សឃុំចំណុះស្រុក លោកគ្រូ អ្នកគ្រូ សិស្សានុសិស្ស កាយឫទ្ធិ យុវជន ស.ស.យ.ក និងប្រជាពលរដ្ឋសរុបចំនួន ៧៩០រូប។

ក្នុងឱកាសដ៏ថ្លៃថ្លានោះ ឯកឧត្តម បណ្ឌិត តុប នេត បានពាំនាំនូវបណ្ដាំសួរសុខទុក្ខ និងការនឹករលឹករបស់ សម្ដេចក្រឡាហោម និងឯកឧត្តមអភិសន្តិបណ្ឌិត ជូនអង្គពិធីក៏ដូចជាប្រជាពលរដ្ឋនៅឃុំរំលេច។ ជាមួយគ្នានេះ ឯកឧត្តម បណ្ឌិត ក៏បានសំណេះសំណាល និងផ្តាំផ្ញើការងារមួយចំនួនជូនអង្គពិធីជាអាទិ៍ អំពី (១) ប្រវត្តិព្រះពុទ្ធសាសនានៅកម្ពុជា និងការរីកចម្រើវិស័យព្រះពុទ្ធសាសនា ក្រោមការដឹកនាំដ៏ត្រឹមត្រូវរបស់រាជរដ្ឋាភិបាល និងគណបក្សប្រជាជនកម្ពុជា (២) ជំរុញការអប់រំយុវជនឱ្យគិតល្អ និងប្រតិបត្តិល្អក្នុងផ្លូវត្រូវ តាមរយៈទ្រឹស្ដីនៃព្រះពុទ្ធសាសនា (៣) ជំរុញការចូលរួមជួយគាំទ្រពីគ្រប់មជ្ឈដ្ឋានសម្រាប់ការអភិវឌ្ឍក្នុងមូលដ្ឋានរាប់ទាំងវិស័យសាសន៍ផងដែរ និង (៤) រួមគ្នាជួយពង្រឹងសន្តិសុខក្នុងមូលដ្ឋាន និងអនុវត្តឱ្យបានខ្ជាប់ខ្ជួននូវគោលនយោបាយភូមិ ឃុំ មានសុវត្ថិភាព៕