ខេត្តកំពត ៖ នៅថ្ងៃចន្ទ ៥កើត ខែផល្គុន ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៣ ខែមីនា ឆ្នាំ២០២៥ ឯកឧត្តម ខៀវ រិទ្ធិភ័ណ្ឌ អភិបាលរង នៃគណៈអភិបាលខេត្តកំពត និងលោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពក្នុងពិធីបើកវគ្គបណ្តុះបណ្តាល តម្រង់ទិសលើការអនុវត្តការងារអត្រានុកូលដ្ឋានស្របតាមច្បាប់ ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម។

ក្នុងពិធីនេះក៏មានការអញ្ជើញចូលរួមពី តំណាងសាលាដំបូងខេត្ត តំណាងមន្ទីរអប់រំ យុវជននិងកីឡា តំណាងមន្ទីរសុខាភិបាល នាយករងរដ្ឋបាលសាលាខេត្ត នាយករងទីចាត់ការ ប្រធានការិយាល័យស្ថិតិ និងអត្រានុកូលដ្ឋានខេត្ត ស្នងការរងខេត្តទទួលផែនការងារអត្តសញ្ញាណកម្ម នាយការិយាល័យអត្តសញ្ញាណកម្មទាំងពីរ អភិបាល/អភិបាលរងក្រុង ស្រុក មន្រ្តីទទួលការងារអត្រានុកូលដ្ឋានក្រុង ស្រុក អធិការនគរបាលក្រុង ស្រុក ប្រធានការិយាល័យរដ្ឋបាល និងហរិញ្ញវត្ថុក្រុង ស្រុក ព្រមទាំងមេឃុំចៅសង្កាត់ ស្មៀនឃុំ សង្កាត់ សរុបចំនួន ៣៨៦នាក់ ក្នុងនោះស្ត្រីចំនួន ១៩០នាក់៕