នៅថ្ងៃទី៨ ខែមីនា ឆ្នាំ២០២៥ ដោយមានការយកចិត្តទុកដាក់ពីឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម ដែលបានឧបត្ថម្ភជាថវិកាសម្រាប់ការធ្វើដំណើរកម្សាន្ត ទៅខេត្តកំពត និងខេត្តកែប ក្នុងទិវាអបអរសាទរខួបអនុស្សវរីយ៍លើកទី ១១៤ នៃទិវាអន្តរជាតិនារី៨ មីនា ឆ្នាំ២០២៥​ ក្រោមប្រធានបទ "សិទ្ធិ សមភាព និងភាពអង់អាច ចំពោះស្រ្តី និងក្មេងស្រីគ្រប់រូប" ដឹកនាំដោយលោកជំទាវ ថាំ វ៉ាន់នីកា តុប នេត សមាជិកាកិត្តិយស នៃគណៈកម្មការសាខាសមាគមនារី ក្រសួងមហាផ្ទៃ អមដំណើរដោយ លោកជំទាវ ឧត្តមសេនីយ៍ឯក លឹម រស្មី អគ្គនាយករង និងជាប្រធានក្រុមការងារយេនឌ័រ នៃអគ្គនាយកដ្ឋានអត្តសញ្ញាកម្ម។

លោកជំទាវ ឧត្តមសេនីយ៍ឯក លឹម រស្មី អគ្គនាយករង និងជាប្រធានក្រុមការងារយេនឌ័រ ជំនួសមុខឱ្យក្រុមការងារយេនឌ័រចំណុះអគ្គនាយកដ្ឋានអត្តសញ្ញាណកម្ម សូមថ្លែងអំណរអរគុណដល់​ លោកជំទាវ កែ សួនសុភី​ ស​ សុខា ប្រធានកិត្តិយស នៃគណៈកម្មការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ ក្រសួងមហាផ្ទៃ​ បានឧបត្ថម្ភជាសម្ភារៈក្នុងការលេងល្បែងកំសាន្តចាប់រង្វាន់​ និងវាយក្អម ព្រមទាំងឯកឧត្តម ឧត្តមសេនីយ៍ឯក បណ្ឌិត អគ្គនាយក និងលោកជំទាវ ដែលបានលើកស្ទួយ និងយកចិត្តទុកដាក់ចំពោះស្ត្រីជាក្រុមការងារយេនឌ័រ ព្រមទាំងឧបត្ថម្ភជាថវិកា និងបានចូលរួមក្នុងការធ្វើដំណើរកម្សាន្តមួយនេះ ដោយក្ដីរីករាយសប្បាយចិត្ត និងមានសុវត្តិភាពទាំងទៅទាំងមក សរុបចំនួន ១២០នាក់។

ជាចុងក្រោយលោកជំទាវ ប្រធានក្រុមការងារយេនឌ័រ ក៏ដូចជាសមាជិក សមាជិការក្រុមការងារទាំងអស់សង្ឃឹមថា ឯកឧត្តម បណ្ឌិត អគ្គនាយក លោកនឹងផ្តល់ការគាំទ្រដំណើរកម្សាន្តនេះឱ្យមានជារៀងរាល់ឆ្នាំផងដែរ៕