ខេត្តកែប៖ នៅថ្ងៃចន្ទ ១២កើត ខែផល្គុន ឆ្នាំរោង ឆស័ក ព.ស២៥៧៨ ត្រូវនឹងថ្ងៃទី១០ ខែមីនា ឆ្នាំ២០២៥ ដើម្បីបម្រើសេវាសាធារណៈជូនប្រជាពលរដ្ឋ ជួយសម្រួលដល់ប្រជាពលរដ្ឋដែលមានជំងឺ ឬពិការភាព ព្រមទាំងផ្តល់ភាពងាយស្រួល ជំនាញ នៃស្នងការដ្ឋាននគរបាលខេត្តកែប បានយកសម្ភារបច្ចេកទេស បំពេញបែបបទបន្តសុពលភាពអត្តសញ្ញាណប័ណ្ណសញ្ជាតិខ្មែរ ជូនលោកយាយដែលមានជំងឺធ្វើដំណើរមិនរួច ដល់គេហដ្ឋានរបស់គាត់ ទន្ទឹមនឹងនោះជំនាញក៏បានចុះបំពេញបែបបទបន្តសុពលភាព និងផ្តល់អត្តសញ្ញាណប័ណ្ណសញ្ជាតិខ្មែរ ព្រមទាំងប្រគល់សៀវភៅស្នាក់នៅ ក(២) សៀវភៅគ្រួសារ ក(៤) ជូនប្រជាពលរដ្ឋ។