ទីស្ដីការក្រសួងមហាផ្ទៃ៖ នៅព្រឹកថ្ងៃពុធ ១៣រោច ខែផល្គុន ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៦ ខែមីនា ឆ្នាំ២០២៥ ឯកឧត្ដម ឧត្ដមសេនីយ៍ឯក តាត និមល អគ្គនាយករង រួមទាំងថ្នាក់ដឹកនាំ នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំក្រុមការងារបច្ចេកទេសរបស់ក្រសួងមហាផ្ទៃ ដើម្បីត្រៀមជួបពិភាក្សាលើសេចក្ដីព្រាងច្បាប់ស្ដីពីកិច្ចការពារទិន្នន័យបុគ្គល ក្រោមអធិបតីភាព ឯកឧត្តម ទ្រី សុខហេង អនុរដ្ឋលេខាធិការ ក្រសួងមហាផ្ទៃ។

ក្នុងកិច្ចប្រជុំនេះ ក៏មានការអញ្ជើញចូលពី ឯកឧត្ដម អនុប្រធានក្រុមប្រឹក្សានីតិកម្ម ឯកឧត្ដម អគ្គនាយករង លោកប្រធាននាយកដ្ឋាន សមាជិកក្រុមប្រឹក្សានីតិកម្ម លោកអនុប្រធាននាយកដ្ឋាន លោកអនុប្រធានការិយាល័យ និងមន្ត្រីពាក់ព័ន្ធមួយចំនួន៕