ទីស្តីការក្រសួងមហាផ្ទៃ៖ នៅថ្ងៃសុក្រ ៧កើត ខែចេត្រ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៤ ខែមេសា ឆ្នាំ២០២៥ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង និងឯកឧត្តម ឧត្តមសេនីយ៍ទោ ហេង ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមសិក្ខាសាលាស្តីពី “បរិវត្តកម្មប្រព័ន្ធប្រព័ន្ធបច្ចេកវិទ្យាឌីជីថលក្រសួងមហាផ្ទៃ” ដើម្បីជម្រុញការគាំទ្រផែនការយុទ្ធសាស្រ្តបច្ចេកវិទ្យាឌីជីថលក្រសួងមហាផ្ទៃ ២០២៣-២០២៧ ស្របតាមគោលនយោបាយរាជរដ្ឋាភិបាលឌីជីថល និងយុទ្ធសាស្រ្តបញ្ចកោណដំណាក់កាលទី១ ដែលបានកំណត់យកវិស័យ “បច្ចេកវិទ្យា” ជាអាទិភាពគន្លឹះទី៥។

សិក្ខាសាលានេះក៍មានការអញ្ជើញចូលរួមពី ឯកឧត្តម អគ្គនាយក អគ្គស្នងការរងនគរបាលជាតិ អគ្គនាយករង ប្រធាននាយកដ្ឋាន អនុប្រធាននាយកដ្ឋាន លោកនាយការិយាល័យ ព្រមទាំងលោក លោកស្រី និងមន្ត្រីជំនាញដែលពាក់ព័ន្ធតាមបណ្តាអង្គភាព ស្ថាប័ន ចំណុះក្រសួងមហាផ្ទៃ។