អគ្គនាយកដ្ឋានអត្តសញ្ញាណកម្ម៖ នាព្រឹកថ្ងៃសុក្រ ៩កើត ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៣ ខែមករា ឆ្នាំ២០២០ លោកជំទាវ ឧត្តមសេនីយ៍ឯក ឌុច ដាណា អគ្គនាយករង និងជាប្រធានក្រុមការងារយេនឌ័រ អគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំបូកសរុបលទ្ធផលការងារ បញ្រ្ជាបយេនឌ័ររយៈពេល០៥ឆ្នាំ (ឆ្នាំ២០១៥-២០១៩) និងលើកទិសដៅការងារបន្ត។ ក្នុងពិធីនេះផងដែរក៏មានការអញ្ជើញចូលរួមពី លោកប្រធាននាយកដ្ឋានស្ថិតិប្រជាពលរដ្ឋ លោក-លោកស្រី ប្រធាន អនុប្រធាន និងសមាជិកសមាជិកាក្រុមការងារយេនឌ័រ នៃនាយកដ្ឋានចំណុះអគ្គនាយកដ្ឋានអត្តសញ្ញាណកម្ម សរុបចំនួន ៥១ នាក់ (ស្រី ៣៩នាក់)៕