ប្រទេសអ៊ីតាលី ៖ ដោយមានការអនុញ្ញាតិដ៏ខ្ពង់ខ្ពស់ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងក្រោមការគាំទ្រសម្របសម្រួលពីអង្គការ GIZ លោកឧត្តមសេនីយ៍ទោ ឈុន វណ្ណា ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមវគ្គបណ្តុះបណ្តាលស្តីពី ការរចនា ការរៀបចំគម្រោង និងការអនុវត្តការគ្រប់គ្រងប្រព័ន្ធព័ត៌មានវិទ្យាផ្នែកគាំពារសង្គម (Design, Planning and Implementation of Social Protection Management Information System) ដែលរៀបចំឡើងនៅមជ្ឈមណ្ឌលបណ្តុះបណ្តាលអន្តរជាតិ នៃអង្គការពលកម្មអន្តរជាតិ(ITCILO) ដែលស្ថិតនៅទីក្រុងតួរីន ប្រទេសអ៊ីតាលី ដែលគិតចាប់ពីថ្ងៃទី១៤ ដល់ថ្ងៃទី១៧ ខែមេសា ឆ្នាំ២០២៥។

វគ្គបណ្តុះបណ្តាលនេះមានគណៈប្រតិភូរអញ្ជើញមកពីប្រទេសកម្ពុជា ប្រទេសប៉ាគីស្ថាន ប្រទេសហ្សំបៀរ ប្រទេសអ៊ីរ៉ាក់ ប្រទេសប៉េរូ ប្រទេសឡាវ និងប្រទេសអាល្លឺម៉ង់ សរុបចំនួន ៣០នាក់។