ខេត្តស្ទឹងត្រែង៖ ថ្ងៃព្រហស្បតិ៍ ១២រោច ខែចេត្រ ឆ្នាំម្សាញ់ សប្តស័ក ព.ស ២៥៦៨ ត្រូវនឹងថ្ងៃទី២៤ ខែមេសា ឆ្នាំ២០២៥ អគ្គនាយកដ្ឋានអត្តសញ្ញាណកម្ម បានសហការជាមួយអង្គការ Vital strategies អង្គការRain Barrel Lab អង្គការPlan International និងរដ្ឋបាលខេត្តស្ទឹងត្រែង រៀបចំសិក្ខាសាលា ស្តីពីការពិគ្រោះយោបល់លើសម្ភារប្រាស្រ័យទាក់ទង ដើម្បីផ្លាស់ប្តូរឥរិយាបថសង្គម និងជំរុញការចុះបញ្ជីអត្រានុកូលដ្ឋានកំណើត និងមរណភាព

ក្រោមអធិបតីភាព លោកជំទាវ កុត ប៊ុនមី សមាជិកក្រុមប្រឹក្សាខេត្តស្ទឹងត្រែង។

សិក្ខាសាលាពិគ្រោះយោបល់នេះ ក៏មានការអញ្ជើញចូលរួមពី ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម តំណាងអង្គការPLAN តំណាងគណៈកម្មាធិការពិគ្រោះយោបល់កិច្ចការស្ត្រី និងកុមារខេត្ត តំណាងមន្ទីរព័ត៌មានខេត្ត តំណាងមន្ទីរពេទ្យបង្អែកខេត្ត នាយករងទីចាត់ការរដ្ឋបាលខេត្ត ប្រធានការិយាល័យស្ថិតិ និងអត្រានុកូលដ្ឋានខេត្ត តំណាងគណៈកម្មាធិការពិគ្រោះយោបល់កិច្ចការស្ត្រី និងកុមារស្រុក តំណាងគណៈកម្មាធិការទទួលបន្ទុកកិច្ចការនារី និងកុមារឃុំ តំណាងមណ្ឌលសុខភាពទាំង៣នៃស្រុកថាឡាបរីវ៉ាត់ តំណាងរដ្ឋបាលឃុំថាឡាបរីវ៉ាត និងប្រធានភូមិទាំង៤ ចំណុះឱ្យឃុំថាឡាបរីវ៉ាត់ សរុបចំនួន ៣៤រូប៕