នៅព្រឹកថ្ងៃសុក្រ ១៣រោច ខែចេត្រ ឆ្នាំម្សាញ់ សប្ដស័ក ព.ស. ២៥៦៨ ត្រូវនឹងថ្ងៃទី២៥ ខែមេសា ឆ្នាំ២០២៥ ឯកឧត្តម ឧត្តមសេនីយ៍ឯក តាត និមល អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំបន្តពិនិត្យកែសម្រួលឡើងវិញ នៃសេចក្ដីព្រាងប្រកាសស្ដីពីទម្រង់ឯកសារបែបបទ នីតិវិធី នៃការចុះបញ្ជីស្នាក់នៅ ការចេញឯកសារសម្គាល់ការស្នាក់នៅ ការកែតម្រូវ ការលុបបញ្ជី ការមោឃភាព ការដកហូតឯកសារសម្គាល់ការស្នាក់នៅ ការរក្សាទុកបញ្ជីស្នាក់នៅ ព្រមទាំងការប្ដឹងមិនសុខចិត្ត។

ក្នុងកិច្ចប្រជុំនេះ ក៏មានការអញ្ជើញចូលរួមពី លោក ឧត្តមសេនីយ៍ទោ សុគន្ធ វិសិដ្ឋ ប្រធាននាយកដ្ឋានស្ថិតិប្រជាពលរដ្ឋ លោកអនុប្រធាននាយកដ្ឋាន ព្រមទាំងលោកនាយការិយាល័យ និងមន្រ្តីជំនាញពាក់ព័ន្ធផងដែរ៕