រាជធានីភ្នំពេញ៖ នៅថ្ងៃពុធ ៤កើត ខែពិសាខ ឆ្នាំម្សាញ់ សប្តស័ក ព.ស. ២៥៦៨ ត្រូវនឹង ថ្ងៃទី៣០ ខែមេសា ឆ្នាំ២០២៥ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីបើកសិក្ខាសាលាការពិគ្រោះយោបល់លេីសេចក្ដីព្រាងគោលនយោបាយជាតិ ស្ដីពីទេសន្ដរប្រវេសន៍ការងារ ឆ្នាំ២០២៥-២០៣៤ ក្រោមអធិបតីភាព លោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការ តំណាង ឯកឧត្តម ហេង សួរ រដ្ឋមន្រ្ដីក្រសួងការងារ និងបណ្ដុះបណ្តាលវិជ្ជាជីវៈ។

សិក្ខាសាលានេះ បានប្រព្រឹត្តទៅនៅសណ្ឋាគារ ហ៊ីម៉ាវ៉ារី ភ្នំពេញ ដោយមានការសហការជាមួយអង្គការអន្ដរជាតិខាងការងារ (ILO) និងអង្គការ អន្តរជាតិទេសន្ដរប្រវេសន៍ (IOM)។

ពិធីនេះ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ តំណាងក្រសួង ស្ថាប័នពាក់ព័ន្ធ និងអស់លោក លោកស្រី តំណាងអង្គការដៃគូពាក់ព័ន្ធ សរុបចំនួន​ ១០០នាក់ផងដែរ៕