ខេត្តស្ទឹងត្រែង៖ នៅថ្ងៃសុក្រ ១៣កើត ខែពិសាខ ឆ្នាំម្សាញ់ សប្តស័ក ព.ស. ២៥៦៨ ត្រូវនឹង ថ្ងៃទី៩ ខែឧសភា ឆ្នាំ២០២៥ លោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម និង លោកផាន់ យុត អភិបាល នៃគណៈអភិបាលស្រុក បានអញ្ជើញក្នុងពិធីបើកវគ្គអប់រំផ្សព្វផ្សាយស្តីពីការអនុវត្តការងារអត្រានុកូលដ្ឋាន និងលិខិតបទដ្ឋានគតិយុត្តថ្មី ស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នៅសាលាស្រុកសៀមប៉ាង ខេត្តស្ទឹងត្រែង។

ក្នុងពិធីអប់រំផ្សព្វផ្សាយនេះ ក៏មានការអញ្ជើញចូលរួមពីលោក ឈឹម ផាន់ណា តំណាងអង្គការ Plan International ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម លោក កាន់ សាវុធ នាយករងទីចាត់ការសាលាខេត្ត ប្រធានការិយាល័យរដ្ឋបាល និងហិរញ្ញវត្ថុស្រុក មេឃុំ ស្មៀន និងជំនួយការរដ្ឋបាលឃុំ ប្រធានមណ្ឌលសុខភាព ព្រមទាំងមេភូមិ សរុបចំនួន៥៨នាក់ ស្រី៧នាក់៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915