ខេត្តរតនគិរី៖ នៅថ្ងៃចន្ទ ៨រោច ខែពិសាខ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី១៩ ខែឧសភា ឆ្នាំ២០២៥ លោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម សហការជាមួយ លោក ឈឹម ធាន់ណា តំណាងអង្គការ Plan International ចុះធ្វើពិធីបើកវេទិកាអប់រំផ្សព្វផ្សាយស្តីពី “ការចុះបញ្ជីអត្រានុកូលដ្ឋាន” ស្របតាមលិខិតបទដ្ឋានគតិយុត្តថ្មី ស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ស្ថិតនៅរដ្ឋបាលឃុំញ៉ាង និងរដ្ឋបាលឃុំតាឡាវ ស្រុកអណ្តូងមាស ខេត្តរតនគិរី។

ក្នុងពិធីអបរំផ្សព្វផ្សាយអប់រំនេះ ក៏មានការអញ្ជើញចូលរួម ពីប្រធានការិយាល័យស្ថិតិអត្រានុកូលដ្ឋានខេត្ត ប្រធានការិយាល័យរដ្ឋបាល និងហិរញ្ញវត្ថុស្រុក មេឃុំ ស្មៀននិងជំនួយការរដ្ឋបាលឃុំ តំណាងនាយកសាលា មេភូមិ ឪពុកម្តាយ និងអាណាព្យាបាល សរុបចំនួន១១៤នាក់ ស្រី៥១នាក់។

ក្រុមការងារជំនាញ បានធ្វើការចុះបញ្ជីកំណើតរស់ជូនកុមារដែលពុំទាន់បានចុះបញ្ជីកំណើតចំនួន០៧នាក់ និងជំរុញឱ្យ ឪពុក ម្តាយ និងអាណាព្យាបាល មកចុះបញ្ជីកំណើតកូន នៅថ្ងៃបន្តបន្ទាប់ទៀត។

ការចុះបញ្ជីអត្រានុកូលដ្ឋាន គឺមានសារៈសំខាន់ខ្លាំងណាស់សម្រាប់ប្រជាពលរដ្ឋ ដែលធ្វើឱ្យលោកអ្នកមានអត្តសញ្ញាណច្បាស់លាស់ និងមានសិទ្ធិស្របច្បាប់៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915