នៅរសៀលថ្ងៃអង្គារ ៩រោច ខែពិសាខ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែឧសភា ឆ្នាំ២០២៥ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញជួបប្រជុំជាមួយឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្ភុភារ និងហិរញ្ញវត្ថុ ពិភាក្សាលើការរៀបចំផែនការយុទ្ធសាស្រ្តថវិកា ០៣ឆ្នាំរំកិល (២០២៦-២០២៨) និងគម្រោងផែនការថវិកាប្រចាំឆ្នាំ២០២៦។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម អេង ច័ន្ទតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន លោក លោកស្រីអនុប្រធាននាយកដ្ឋាន លោកនាយការិយាល័យ ព្រមទាំងក្រុមការងារជំនាញចំណុះអគ្គនាយកដ្ឋានអត្តសញ្ញាណកម្ម និងអស់លោក លោកស្រីជាថ្នាក់ដឹកនាំ និងក្រុមការងារជំនាញចំណុះអគ្គនាយកដ្ឋានភស្ភុភារ និងហិរញ្ញវត្ថុផងដែរ៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915