ខេត្តកណ្ដាល៖ នៅរសៀលថ្ងៃសុក្រ ១២រោច ខែពិសាខ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី២៣ ខែឧសភា ឆ្នាំ២០២៥ លោក ឧត្ដមសេនីយ៍ទោ ទិត្យ អានធីរ៉ា អនុប្រធាននាយកដ្ឋាន តំណាង លោក ឧត្ដមសេនីយ៍ឯក ប៊ុន ធី ប្រធាននាយកដ្ឋានរដ្ឋបាល សរុប និងជាអនុប្រធានគណៈកម្មាធិការមូលដ្ឋាន នៃអគ្គនាយកដ្ឋានអត្តសញ្ញាណកម្ម និងសហការី បានចុះប្រគល់ថវិការបស់ ឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម និងថវិកាសមាគមមិត្តនគរបាលកម្ពុជា ជូនក្រុមគ្រួសាររបស់លោកវរសេនីយ៍ត្រី គុណ សុខជាតិ នាយរងការិយាល័យរដ្ឋបាល សរុប ចំណុះនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម ដែលបានទទួលមរណភាព នៅថ្ងៃពុធ វេលាម៉ោង ១០:០០យប់ ខែឧសភា ឆ្នាំ២០២៥ ក្នុងជន្មាយុ៣៣ឆ្នាំ ដោយគ្រោះថ្នាក់ចរាចរណ៍ កម្មពិធីបុណ្យប្រពឹត្តទៅនៅគេហដ្ឋានរបស់លោក ដែលស្ថិតនៅភូមិសំរោងក្អែរ ឃុំសំរោងធំ ស្រុកកៀនស្វាយ ខេត្តកណ្ដាល។

ក្នុងពិធីប្រគល់នេះ ក៏មានការអញ្ជើញចូលរួមពី លោក អនុប្រធាននាយកដ្ឋានរដ្ឋបាល សរុប លោកអនុប្រធាននាយកដ្ឋានអត្រានុកូលដ្ឋាន លោកនាយរងការិយាល័យបុគ្គលិក និងបណ្ដុះបណ្ដាល ព្រមទាំងមន្រ្តីចំណុះនាយកដ្ឋានរដ្ឋបាល សរុបផងដែរ៕