ខេត្តស្ទឹងត្រែង៖ ថ្ងៃអង្គារ ១កើត ខែជេស្ឋ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៧ ខែឧសភា ឆ្នាំ២០២៥ អគ្គនាយកដ្ឋានអត្តសញ្ញាណកម្ម បានសហការជាមួយអង្គការ Vital strategies អង្គការRain Barrel Lab អង្គការPlan International និងរដ្ឋបាលខេត្តស្ទឹងត្រែង បានរៀបចំវេទិកាអប់រំផ្សព្វផ្សាយស្តីពី “ការចុះបញ្ជីអត្រានុកូលដ្ឋាន” ស្របតាមលិខិតបទដ្ឋានគតិយុត្តថ្មី និងស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នៅរដ្ឋបាលឃុំស្រែសំបូរ ស្រុកសៀមបូក ខេត្តស្ទឹងត្រែង។

វេទិកាផ្សព្វផ្សាយនេះ ដឹកនាំដោយក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម សហការជាមួយតំណាងអង្គការPlan International ដោយមានសមាសភាពចូលរួមពីប្រធានការិយាល័យស្ថិតិ និងអត្រានុកូលដ្ឋានខេត្ត ប្រធានការិយាល័យរដ្ឋបាល និងហិរញ្ញវត្ថុស្រុក មេឃុំ ស្មៀននិងជំនួយការរដ្ឋបាលឃុំ តំណាងមណ្ឌលសុខភាព មេភូមិ ឪពុកម្តាយ និងអាណាព្យាបាល សរុបចំនួន៥៧នាក់ ស្រី១៧នាក់។

ប្រជាពលរដ្ឋដែលបានចូលរួមវេទិកាផ្សព្វផ្សាយនេះ បានធ្វើការចុះបញ្ជីសំបុត្រកំណើត គ្រប់ៗគ្នារួចរាល់ហើយ។ បន្ថែមពីនេះ ក្រុមការងារជំនាញ ក៏បានណែនាំប្រជាពលរដ្ឋជួយផ្សព្វផ្សាយបន្តដល់សមាជិកគ្រួសារ និងបងប្អូនជិតខាងដែលពុំបានចុះបញ្ជីសំបុត្រកំណេីត ឱ្យមកចុះបញ្ជីឱ្យទាន់ពេលវេលាច្បាប់កំណត់ និងត្រូវធ្វើសេចក្តីចម្លងសំបុត្រកំណើតសម្រាប់ប្រើប្រាស់ ព្រមទាំងត្រូវទុកដាក់រក្សាសំបុត្រកំណើតឱ្យបានល្អនិងមានសុវត្ថិភាពផងដែរ៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915