ទីស្ដីការក្រសួងមហាផ្ទៃ៖ នៅរសៀលថ្ងៃព្រហស្បតិ៍ ១០កើត ខែជេស្ឋ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី៥ ខែមិថុនា ឆ្នាំ២០២៥ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំត្រៀមកម្រិតបច្ចេកទេសពិភាក្សាបន្ដលើផែនការសកម្មភាព សម្រាប់ការអនុវត្ដនីតិវិធីប្រតិបត្ដិស្ដង់ដា (SOP) ស្ដីពី “កិច្ចសហប្រតិបត្ដិការ អនុវត្ដច្បាប់ ប្រឆាំងអំពើជួញដូរមនុស្ស រវាងរាជរដ្ឋាភិបាល នៃព្រះរាជាណាចក្រកម្ពុជា និងរាជរដ្ឋាភិបាល នៃព្រះរាជាណាចក្រថៃ” ក្រោមអធិបតីភាព លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាប្រធាន គ.ជ.ប.ជ។

កិច្ចប្រជុំខាងលើនេះ ផ្ដោតសំខាន់លើការរៀបចំផែនការសកម្មភាព របៀបវារៈខ្លឹមសារ ការកំណត់អត្ដសញ្ញាណ ក៏ដូចជាវិធីសាស្រ្ដនៃការកំណត់ Tool (ការសម្ភាសន៍រួមគ្នា) និងពិនិត្យវឌ្ឍនភាពនៃការអនុវត្ដស្ដង់ដានីតិវិធីប្រតិបត្ដិស្ដីពីការពង្រឹងកិច្ចសហប្រតិបត្ដិការអនុវត្ដច្បាប់ប្រឆាំងអំពើជួញដូរមនុស្ស ដើម្បីត្រៀមពិភាក្សាទ្វេភាគីជាមួយគណៈប្រតិភូថៃ ដែលនឹងមកចូលរួមប្រជុំនៅកម្ពុជា ចាប់ពីថ្ងៃទី១៦ ដល់១៧ ខែមិថុនា ឆ្នាំ២០២៥ ខាងមុខនេះ៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915