នៅព្រឹកថ្ងៃសុក្រ ៨រោច ខែអាសាឍ ឆ្នាំម្សាញ់ សប្ដស័ក ព.ស២៥៦៩ ត្រូវនឹងថ្ងៃទី១៨ ខែកក្កដា ឆ្នាំ២០២៥ ឯកឧត្តម ឧត្តមសេនីយ៍ឯក សុក្រិត្យ ថនឥស្សរ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំផ្សព្វផ្សាយសេចក្តីសម្រេចចិត្តរបស់អាជ្ញាធរជាតិប្រយុទ្ធនឹងជំងឺអេដស៍ និងពិនិត្យពិភាក្សាលើរបាយការណ៍សកម្មភាពការងារប្រចាំ ឆមាសទី១ និងលើកទិសដៅការងារសម្រាប់ឆមាសទី២ ឆ្នាំ២០២៥ របស់គណកម្មាធិការប្រយុទ្ធ នឹងជំងឺអេដស៍/កាមរោគ ក្រោមអធិបតីភាព លោកជំទាវ អុង សុភាវី រដ្ឋលេខាធិការ និងជាប្រធានគណៈកម្មាធិការប្រយុទ្ធ នឹងជំងឺអេដស៍/កាមរោគ ក្រសួងមហាផ្ទៃ។

អង្គប្រជុំបានលើកឡើងនូវចំណុចសំខាន់ៗ ដូចខាងក្រោម៖

១- ពិនិត្យ កែសម្រួល និងសម្រេចលើរបាយការណ៍សកម្មភាពការងារប្រចាំឆមាសទី១ និងទិសដៅការងារសម្រាប់ឆមាសទី២ ឆ្នាំ២០២៥។

២- ផ្សព្វផ្សាយអំពីសេចក្តីសម្រេចចិត្តទាំង ១២ចំណុចរបស់អាជ្ញាធរជាតិប្រយុទ្ធនឹងជំងឺអេដស៍ ក្នុងនោះ មាន ២ចំណុចពាក់ព័ន្ធនឹងក្រសួងមហាផ្ទៃ។

សមាសភាពអញ្ជើញចូលរួមក្នុងកិច្ចប្រជុំនេះ រួមមាន ឯកឧត្តម លោកជំទាវ អគ្គនាយករង តំណាងអគ្គនាយកដ្ឋានចំណុះក្រសួងមហាផ្ទៃ តំណាងអគ្គស្នងការរង ប្រធានលេខាធិការដ្ឋាន និងសមាជិកក្រុមលេខាធិការដ្ឋានផងដែរ៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915