នៅព្រឹកថ្ងៃអង្គារ ១២រោច ខែអាសាឍ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី២២ ខែកក្កដា ឆ្នាំ២០២៥ លោក ឧត្ដមសេនីយ៍ទោ សក់ កែវដ្ឋារ៉ារ័ត្ន ប្រធាននាយកដ្ឋានអត្តសញ្ញាណបណ្ណសញ្ជាតិខ្មែរ នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំវឌ្ឍនភាពការងារផ្ដល់អត្តសញ្ញាណបណ្ណសញ្ជាតិខ្មែរ ការអនុវត្តតួនាទីភារកិច្ច និងបញ្ហាប្រឈមពាក់ព័ន្ធនឹងការផ្ដល់សេវាជូនប្រជាពលរដ្ឋ និងជំរុញតាមដានការងារផ្សព្វផ្សាយខ្លឹមសារ និងអនុក្រឹត្យស្ដីពីអត្តសញ្ញាណបណ្ណសញ្ជាតិខ្មែរ និងប្រកាសស្ដីពីបែបបទ នីតិវិធី នៃការស្នើសុំចុះបញ្ជី ការផ្ដល់ ការកែតម្រូវទិន្នន័យ ការលុបបញ្ជី ការធ្វើមោឃភាព និងការដកហូតអត្តសញ្ញាណបណ្ណសញ្ជាតិខ្មែរ ព្រមទាំងបណ្ដឹងមិនសុខចិត្ត។

ក្នុងកិច្ចប្រជុំនេះ ក៏មានការអញ្ជើញចូលរួមពី លោក លោកស្រីអនុប្រធាននាយកដ្ឋាន លោក លោកស្រីប្រធាន អនុប្រធានការិយាល័យ ព្រមទាំងលោក លោកស្រីប្រធាន អនុប្រធានទីស្នាក់ការ និងក្រុមការងារជំនាញចំណុះនាយកដ្ឋានអត្តសញ្ញាណបណ្ណសញ្ជាតិខ្មែរផងដែរ៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915