រាជធានីភ្នំពេញ៖ នៅរសៀលថ្ងៃព្រហស្បតិ៍ ៥រោច ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៤ ខែសីហា ឆ្នាំ២០២៥ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងក្រុមការងារបច្ចេកទេស នៃអគ្គនាយកដ្ឋានអត្តសញ្ញាណកម្ម អមដំណើរឯកឧត្តម ប៉ាវ ហម ផាន រដ្ឋលេខាធិការក្រសួងមហាផ្ទៃ ទទួលបន្ទុកការងារអត្តសញ្ញាណកម្ម ចូលរួមកិច្ចប្រជុំពិភាក្សាលើការជ្រើសរើស និងកំណត់អង្គភាពគោលដៅ ឈ្មោះសេវារដ្ឋបាលនៅថ្នាក់ជាតិ និងរដ្ឋបាលថ្នាក់ក្រោមជាតិ និងវិធីសាស្រ្ត នៃការធ្វើអង្កេតស្តីពីការយល់ឃើញរបស់ប្រជាពលរដ្ឋលើប្រសិទ្ធភាព និងគុណភាពនៃការផ្តល់សេវាសាធារណៈពាក់ព័ន្ធនឹងសេវារដ្ឋបាលជូនប្រជាពលរដ្ឋ ក្រោមអធិបតីភាព ឯកឧត្តម ប៉ូល ពីឌូ រដ្ឋលេខាធិការ នៃក្រសួងមុខងារសាធារណៈ នៅបន្ទប់ប្រជុំ “បាយ័ន” នៃសាលាភូមិន្ទរដ្ឋបាល។

កិច្ចប្រជុំនេះ ក៏មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម អគ្គាធិការ អគ្គាធិការរង អគ្គនាយករង ប្រធាននាយកដ្ឋាន អនុប្រធានាយកដ្ឋាន ប្រធានការិយាល័យ ចំណុះក្រសួងស្ថាប័ន ព្រមទាំងលោក លោកស្រី ពាក់ព័ន្ធផងដែរ។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915