អគ្គនាយកដ្ឋានអត្តសញ្ញាណកម្ម៖ នាព្រឹកថ្ងៃចន្ទ ៤រោច ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៣ ខែមករា ឆ្នាំ២០២០ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំ ក្នុងកិច្ចប្រជុំឆ្លងរបាយការណ៍បូកសរុបលទ្ធផលការងារ ប្រចាំ ឆ្នាំ២០១៩ និងលើកទិសដៅការងារឆ្នាំ២០២០ និងត្រៀម ប្រមូលផ្ដុំបញ្ហាគួរកត់សម្គាល់សម្រាប់ ចូលរួមក្នុងសន្និបាត ប្រចាំឆ្នាំរបស់ក្រសួងមហាផ្ទៃ។ កិច្ចប្រជុំនេះផងដែរក៏មានការអញ្ជើញចូលរួមពីសំណាក់ឯកឧត្តម លោកជំទាវ អគ្គនាយករង លោកប្រធាននាយកដ្ឋាន ព្រមទាំងលោក លោកស្រីអនុប្រធាននាយកដ្ឋាន ចំណុះអគ្គនាយកដ្ឋានអត្តសញ្ញាណកម្ម។
ថ្លៃងក្នុងពិធីនេះផងដែរក៏មានការពិភាក្សាលើចំណុចសំខាន់ៗគួរកត់សម្គាល់មួយចំនួនក្នុងការអនុវត្តការងារនាពេលកន្លងមករួមមាន៖
-ចំណុចគួរកត់សម្គាល់លើលទ្ធផល និងវឌ្ឍនភាព នៃការងារប្រចាំឆ្នាំ
-ការងារនៅសេសសល់ដែលពុំទាន់បានអនុវត្ត ឬពុំទាន់បានបញ្ចប់
-ចំណុចគួរកត់សម្គាល់លើបញ្ហាប្រឈម និង ដំណោះស្រាយជាក់ស្តែង
-ការងារប្រចាំការសេវាអត្តសញ្ញាណកម្ម និងការឆ្លើយតបទៅប្រជាពលរដ្ឋ តាមរយៈបណ្តាញសង្គម គេហទំព័រ កម្មវិធីសេវាអត្តសញ្ញាណកម្មតាមទូរសព្ទ និងប្រអប់សំបុត្រ៕