ទីស្ដីការក្រសួងមហាផ្ទៃ៖ នៅថ្ងៃសុក្រ ៣រោច ខែអស្សុជ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១០ ខែតុលា ឆ្នាំ២០២៥ ឯកឧត្ដម ឧត្ដមសេនីយ៍ឯក មាស សុីផាន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមប្រជុំពិនិត្យវឌ្ឍនភាពការងារបញ្ហាប្រឈម សំណូមពរ និងការអនុវត្តបន្តរបស់ក្រុមការងារអចិន្ត្រៃយ៍ ជាមួយរដ្ឋបាលខេត្តជាប់ព្រំដែនប្រទេសជិតខាង ដើម្បីសម្របសម្រួលរៀបចំទីតាំងសុវត្ថិភាពជម្រកស្នាក់នៅបណ្ដោះអាសន្ន ការដឹកជញ្ជូន ការដោះស្រាយសេវាសាធារណៈសុខាភិបាលសន្តិសុខនិងសណ្ដាប់ធ្នាប់សាធារណៈ ជូនពលរដ្ឋភៀសសឹក ក្រោមអធិបតីភាព ឯកឧត្តម បណ្ឌិត ស៊ាង ប៊ុនលាង រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារអចិន្ត្រៃយ៍។ ដោយមានការអញ្ជើញចូលរួមពីក្រុមការងារអចិន្រ្តៃយ៍ផ្ទាល់ និងរដ្ឋបាលខេត្តទាំង១៨ជាប់ព្រំដែន តាមប្រព័ន្ធវីដេអូ(zoom)។