នៅព្រឹកថ្ងៃចន្ទ ៦រោច ខែអស្សុជ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី១៣ ខែតុលា ឆ្នាំ២០២៥ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីក្នុងពិធីបើកវគ្គបំពាក់បំប៉នពង្រឹងសមត្ថភាព ស្តីពី “ពិធីករ ពិធីការនី(MC)” ដល់មន្រ្តីចំណុះអគ្គនាយកដ្ឋានអត្តសញ្ញាណកម្ម ដោយមានការអញ្ជើញចូលរួមពី លោក ឧត្តមសេនីយ៍ត្រី នង សុខលី គ្រូនគរបាលជាតិកម្រិតឧត្តមថ្នាក់លេខ២ ប្រធានអាសនៈសិល្បៈ នៃក្រុមប្រឹក្សាអភិវឌ្ឍន៍គ្រូនគរបាលជាតិ នៃសាលាបណ្ឌិត្យសភានគរបាលកម្ពុជា ជាគ្រូឧទ្ទេស មុខជំនាញ ពិធីករ។

វគ្គបណ្តុះបណ្តាលនេះប្រព្រឹត្តទៅរយៈពេល២ថ្ងៃ គិតចាប់ពីថ្ងៃទី១៣ និង១៤ ខែតុលា ឆ្នាំ២០២៥ នៅសាលប្រជុំអគ្គនាយកដ្ឋានអត្តសញ្ញាណកម្ម។ ដោយមានការអញ្ជើញចូលរួមពីសំណាក់ លោក លោកស្រីអនុប្រធាននាយកដ្ឋាន តំណាងប្រធាននាយកដ្ឋាន លោក លោកស្រីនាយ ប្រធានការិយាល័យ ព្រមទាំងអស់លោក លោកស្រីដែលជាសិក្ខាកាមចំណុះនាយកដ្ឋានពាក់ព័ន្ធផងដែរ។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915