នៅថ្ងៃព្រហស្បតិ៍ ៩រោច ខែអស្សុជ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី១៦ ខែតុលា ឆ្នាំ២០២៥ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានអនុគណៈកម្មការផ្តល់ពាក្យ និងទទួលពាក្យបេក្ខជនក្នុងការរៀបចំដំណើរការប្រឡងប្រជែងជ្រើសរើសក្របខ័ណ្ឌមន្ត្រីនគរបាលជាតិសម្រាប់ឆ្នាំ២០២៥ ឱ្យចូលបម្រើការងារនៅអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំផ្សព្វផ្សាយសេចក្តីសម្រេចរបស់ក្រសួងមហាផ្ទៃ ប្រកាសសមាសភាពដែលត្រូវចាត់តាំងជាអនុគណៈកម្មការ និងក្រុមការងារដែលជាសេនាធិការ ដើម្បីត្រៀមរៀបចំអនុវត្តដំណើរការផ្តល់ពាក្យ និងទទួលពាក្យជូនបេក្ខជនប្រកបដោយភាពត្រឹមត្រូវ តម្លាភាព និងទទួលខុសត្រូវខ្ពស់។

កិច្ចប្រជុំនេះ ក៏មានការអញ្ជើញចូលរួមពី អស់លោក លោកស្រីជា អនុប្រធាន សមាជិក សមាជិកា អនុគណៈកម្មការ និងក្រុមការងារដែលជាថ្នាក់ដឹកនាំ មន្ត្រីចំណុះអគ្គនាយកដ្ឋានអត្តសញ្ញាណកម្ម ព្រមទាំងតំណាងអគ្គនាយកដ្ឋានធនធានមនុស្ស នៃក្រសួងមហាផ្ទៃផងដែរ។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915