អនុវត្តតាមចំណារដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង នាព្រឹកថ្ងៃសៅរ៍ ៤កើត ខែកត្តិក ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី២៥ ខែតុលា ឆ្នាំ២០២៥ ឯកឧត្តម បណ្ឌិត តុប នេត ប្រធានក្រុមការងាររាជរដ្ឋាភិបាលចុះមូលដ្ឋានស្រុកស៊ីធរកណ្តាល តំណាងដ៏ខ្ពង់ខ្ពស់ ឯកឧត្តមសន្តិបណ្ឌិត ស សុខា បានអញ្ជើញជាអធិបតីក្នុងពិធីសម្ពោធ ដាក់ឱ្យប្រើប្រាស់អគារសិក្សា ១ខ្នង ស្មើនឹង៥បន្ទប់ និងសមិទ្ធផលនានា នៅសាលាបឋមសិក្សាចារ ឃុំរំលេច ស្រុកស៊ីធរកណ្ដាល ខេត្តព្រៃវែង។ អាគារសិក្សានេះ មានបំពាក់សម្ភារសិក្សារួចរាល់ ដែលជាអំណោយដ៏ថ្លៃថ្លារបស់ ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ស សុខា។

ក្នុងពិធីសម្ពោធនេះ ក៏មានការអញ្ជើញចូលរួមពី ឯកឧត្តម លោក លោកស្រី នៃក្រុមការងារថ្នាក់ជាតិចុះមូលដ្ឋានស្រុក ក្រុមប្រឹក្សាស្រុក គណៈអភិបាលស្រុក ការិយាល័យជំនាញជុំវិញស្រុក គណៈកម្មាធិការគណបក្សឃុំចំណុះស្រុក លោកគ្រូអ្នកគ្រូ សិស្សានុសិស្ស កាយឫទ្ធិ យុវជន ស.ស.យ.ក និងប្រជាពលរដ្ឋជាច្រើននាក់។

ក្នុងឱកាសដ៏ថ្លៃថ្លានេះ ឯកឧត្តម បណ្ឌិត តុប នេត បាន នាំយកអំណោយឧបត្ថម្ភដ៍ខ្ពង់ខ្ពស់របស់ ឯកឧត្តមអភិសន្តិបណ្ឌិត និងលោកជំទាវ ជូនដល់ការិយាល័យអប់រំស្រុក គណៈកម្មការគ្រប់គ្រងសាលាបឋមសិក្សាចារ និងបានប្រគល់លិខិតថ្លែងអំណរគុណ ជូនក្រុមការងារចុះជួយមូលដ្ឋានស្រុកស៊ីធរកណ្តាល ខេត្តព្រៃវែងផងដែរ។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915